Zahid Oruc sığorta ilə bağlı vəziyyətdən məyus oldu

“Azərbaycan sığorta sektorunda qərb ölkələrindən 5 dəfə aşağı yerdədir”.

Bu fikirləri Sosial Tədqiqat Mərkəzinin İdarə Heyətinin sədri Zahid Oruc “Sığorta mübahisələrinin uğurlu həll yolları” mövzusunda elmi-praktik konfransda bildirib.

Onun sözlərinə görə, Azərbaycan Mərkəzi Bankının hesabatına əsasən, 2022-ci il sığorta haqlarının ÜDM-də payı 0,7 faiz olub.

“İl ərzində adambaşına düşən cəmi sığorta haqqı 14% artaraq 95 manat təşkil edib. Bu artımın əsas drayveri həyat sığortası olub. Belə ki, həyat sığortası üzrə adam başınadüşən sığorta haqqı 49 manat təşkil edir.

2022-ci ildə sığorta həcminin ÜDM-də payı 1,27 faiz, adambaşına düşən məbləğ isə 85,5 avro, Ermənistanda ÜDM-də çəkisi 0.7 faiz, məbləği isə bizimlə eyni, yəni 49 avro təşkil edib. Cənubi Qafqaz iqtisadiyyatının əsas hissəsinin ölkəmizdə formalaşması şəraitində sığorta bazarındakı vəziyyət bizi narahat etməlidir”, – deyə Zahid Oruc qeyd edib.