AZAL-ın vitse-prezidenti təyyarənin enişinə icazə verilməməsindən danışdı

“Ekipaj təyyarənin qəzaya uğraması ilə bağlı Qroznı və Mahaçqala hava limanlarına siqnal göndərsə də onları qəbul etməyiblər. Bunun səbəbini komissiya araşdıracaq”.

Bunu AZAL-ın vitse-prezidenti İlham Əmirov Heydər Əliyev Beynəlxalq Aeroportunda qəza nəticəsində həlak olan ekipaj üzvləri ilə vida mərasimində bildirib.

“Heyət belə çətin vəziyyətdə idarə edilməyə qadir olmayan təyyarəni idarə edib, onu Aktauya yönəldib ki, insanların həyatını xilas edə bilsinlər. Ekipaj üzvləri əllərindən gələni ediblər, böyük professionallıq nümayiş etdiriblər. Bu, bir daha Azərbaycanın pilot məktəbinin yetirmələrinin yüksək peşəkarlıqlarının əyani sübutudur”, – deyə o qeyd edib.