Bakının qəsəbələrində yeni avtobuslar fəaliyyətə başlayacaq | Sakinlərin nəzərinə - Baku TV

“BakuBus” MMC tərəfindən paytaxtın Xəzər rayonunun Buzovna qəsəbəsində “Albalılıq elektrik avtobus deposu” istifadəyə verilib.

Azərbaycan Yerüstü Nəqliyyat Agentliyindən bildirilib ki, yeni depo sərnişindaşımalarının əlçatanlığının artırılmasına və ekoloji təmiz nəqliyyatın inkişafına töhfə verəcək.

Qeyd olunub ki, hazırda Bakı şəhərində 2300 avtobus istismar olunur. Lakin Dövlət Proqramında nəzərdə tutulan əlçatanlıq səviyyəsinin 92–94 faizə çatdırılması üçün şəhərdə 2800 avtobusun istismarı zəruridir. Bildirilib ki, ölkədə istehsal edilən avtobusların sayı artdıqca bu hədəfə daha sürətlə nail olmaq mümkün olacaq.

Məlumata görə, Xırdalan, Lökbatan, Binəqədi və Binə qəsəbəsi ərazilərində də avtobus parklarının yaradılması planlaşdırılır. Lakin bu layihələrin həyata keçirilmə ardıcıllığı əlavə hesablamalardan sonra müəyyənləşdiriləcək.