Daxili İşlər Nazirliyi magistral yolda tədbirlərə başladı

Kürdəmirin Sığırlı kəndində yolun intensiv hərəkət olan hissəsində təhlükəli küçə ticarəti fəaliyyətinin qarşısı alınıb.

Daxili İşlər Nazirliyinin Mətbuat Xidmətindən bildirilib ki, həmin şəxslərlə qanunvericiliyə uyğun olaraq profilaktik iş, izahedici söhbətlər aparılıb. Avtomobil yolunda belə fəaliyyətlərin insan həyatı və sağlamlığı üçün təhlükəli olması onların diqqətinə çatdırılıb.

“Respublika əhəmiyyətli avtomobil yollarında qanunsuz ticarət fəaliyyəti hərəkətdə olan sürücülərin, sərnişinlərin həyat və sağlamlığı üçün təhdid yaradan təhlükədir, qəza riskini artırır. Küçə ticarəti yalnız müəyyən olunan yerlərdə və qaydalara uyğun şəkildə həyata keçirilməlidir”, ‒ deyə qurumdan bildirilib.