Dövlət Xidmətindən əhaliyə vacib hava xəbərdarlığı - Baku TV

Dekabrın 7-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir. Lakin gündüz bəzi yerlərdə az çiskinli olacaq, axşam isə arabir yağış yağacaq.

Bu barədə Milli Hidrometeorologiya Xidmətindən məlumat verilib.

Bildirilib ki, dekabrın 8-i gün ərzində arabir yağış yağacağı gözlənilir. Mülayim şimal-qərb küləyi axşam şimal-şərq küləyi ilə əvəz olunacaq. Havanın maksimal temperaturu 11-14 dərəcə isti olacaq.

Bölgələrdə də əsasən yağmursuz hava şəraiti gözlənilir. Lakin dekabrın 7-si qərb rayonlarından başlayaraq 10-u axşamadək bəzi yerlərdə yağıntılı olacaq, dağlıq ərazilərdə qar yağacağı ehtimal olunur. Havanın maksimal temperaturu gündüz saatlarında 10-14, dağlıq ərazilərdə 4-7 dərəcə isti olacaq.