Dron hücumunun qurbanı olan Lənkəran sakini dəfn olundu - Baku TV

Rusiya-Ukrayna müharibəsinə həkim kimi qatılan və dron hücumu nəticəsində həlak olan 58 yaşlı Vahab Quliyevin nəşi doğulduğu Lənkəran rayonunun Separadi kəndinə gətirilib.

Yaxınlarının sözlərinə görə, o, xidmət etdiyi müddətdə iki dəfə yaralanıb. Müalicə aldıqdan sonra yenidən döyüşlərə qatılıb.

“1986-cı ildən Ukraynada yaşayırdı. Farmakologiya Akademiyasında müəllim işləyirdi. Müharibə başlayandan bir il sonra hərbi xidmətə aparıblar. Ayın 2-də dron hücumuna məruz qalıb. Yaralanıb, xəstəxanada dünyasını dəyişib”, – deyə mərhumun qardaşı bildirib.

Qeyd edək ki, Kupyansk istiqamətində gedən döyüşlər zamanı həlak olan Vahab Quliyev “Nənələr” qrupunun üzvü olmuş mərhum Xanımbacı Quliyevanın oğlu olub.