"Kapital Bank"dan Gəncə sakinləri üçün yenilik | Rəqəmsal bank xidmətləri genişlənir - Baku TV

“Kapital Bank” ölkənin hər yerində müştərilərə daha əlverişli, rahat, müasir bankçılıq tendensiyalarına uyğun, rəqəmsal xidmət göstərməyi hədəfləyir. Bu səbəbdən də bank filial şəbəkəsini daha müasir konseptdə yeniləyir.

Yeni konseptdə ilk filial Gəncə sakinlərinin ixtiyarına verilib. Yeni konseptin üstünlüyü filialda bir çox xidmətin tamamilə rəqəmsallaşmasıdır. Həmçinin filialda fəaliyyət göstərən Rəqəmsal guşədə müştərilər nağdsız ödənişlər, onlayn köçürmələr kimi bir çox xidməti rahatlıqla icra edə bilərlər.

Yeni konsepsiya əsasında təqdim edilən “Gəncə” filialı həftəiçi hər gün saat 09:00-dan 18:00-dək Gəncə şəhəri, Atatürk prospekti, giriş 428 ünvanında müştərilərə xidmət göstərəcək. Filialda müştərilərə əmanətlər, plastik kartlar, müxtəlif növ kreditlər və digər məhsullar, hesablaşma-kassa əməliyyatları, valyuta mübadiləsi kimi əməliyyatlar da daxil olmaqla bütün növ bank xidmətləri təklif olunur.

Qeyd edək ki, “Kapital Bank” 120 filial, 48 şöbə, 15 Rəqəmsal Mərkəz və 1274 bankomatı ilə ölkənin ən böyük xidmət şəbəkəsinə malik bankıdır.