Ermənistan vətəndaşlarının apellyasiya şikayəti üzrə məhkəmə prosesi keçirilib - Baku TV

Bakı Apellyasiya Məhkəməsində Ermənistanın Azərbaycana çoxsaylı cinayətlərə görə Bakı Hərbi Məhkəməsi tərəfindən barələrində ittiham hökmü çıxarılan Ermənistan Respublikasının bir sıra vətəndaşının apellyasiya şikayətlərinə baxılmasına dair ilkin baxış iclası keçirilib.

Məhkumların şəxsiyyət və anket məlumatları dəqiqləşdirilib, onların prosessual hüquq və vəzifələri izah edilib. Məhkəmə tərəflərin mövqelərini və verilən vəsatətləri müzakirə etdikdən, həmçinin tərəflərin verilən vəsatətlərə münasibətini öyrəndikdən sonra müşavirəyə gedib. Müşavirədən sonra qəbul edilən qərarlar elan olunub. Bildirilib ki, məhkəmə baxışı istintaq aparılmadan və əlavə sübutlar tədqiq edilmədən iyunun 2-də keçiriləcək.