II Qadın Liderləri Zirvəsi keçirildi

“Facemark” şirkətinin təşkilatçılığı ilə II Qadın Liderləri Zirvəsi keçirilib.

Tədbirdə fərqli sahələrdən olan güclü qadın liderlər sahibkarlıq və şəxsi inkişaf mövzularında beynəlxalq təcrübəyə əsaslanan fikirlər səsləndirib, eləcə də auditoriyaya ilham verən mesajlarla çıxış ediblər. 

Zirvə panel müzakirələrlə davam edib. Panellər çərçivəsində “Zirvəyə gedən yol”, “Zirvədəki baryerlər və maneələr” və “Zirvədə davamlılıq və dayanıqlılıq” mövzuları geniş şəkildə müzakirə olunub.

Panel zamanı spikerlər şəxsi və peşəkar inkişaf yolunda keçdikləri mərhələləri, qarşılaşdıqları çətinlikləri və onları zirvəyə aparan əsas dönüş nöqtələrini iştirakçılarla bölüşüblər.

Tədbir iştirakçılar üçün yalnız müzakirə platforması olmaqla kifayətlənməyib, həm də zirvə zamanı keçirilən müsabiqələrdə dəyərli hədiyyələr qazanıblar.