Əldə olunan gəlir sığınacaqdakı qızların təhsil ehtiyaclarına sərf olunacaq

15 fevral qlobal film həftəsi çərçivəsində “Azərbaycan Uşaqları” İctimai Birliyinin nəzdində fəaliyyət göstərən Uşaq Sığınacağı – Reinteqrasiya Mərkəzində yaşayan və reabilitasiya keçən uşaqların yaradıcılıq bacarıqlarının inkişafı, özlərinə inamlarının artırılması və cəmiyyətə inteqrasiyasının dəstəklənməsi məqsədilə “Qaranlıqdan sonra...” adlı tədbir keçirilib.

Tədbirdə reabilitasiya prosesindən keçən uşaqların öz əlləri ilə, təkrar emal edilən saplardan hazırladıqları əl işləri xeyriyyə məqsədilə satışa çıxarılıb.

Həmçinin Keçmiş Azərbaycan filmlərindən seçilən səhnələr uşaqlar tərəfindən musiqi və rəqslər vasitəsilə tamaşa formatında təqdim edilib.

Qeyd edək ki, tədbirdən əldə olunan gəlir tam şəkildə sığınacaqda yaşayan qızların təhsil ehtiyaclarına sərf ediləcək.