MÜTDA-dan sualların çətinliyi ilə bağlı yayılan söz-söhbətə münasibət | “Müəllimlər bilsin ki...”

“Müəllimlərin işə qəbulu müsabiqəsi şəffaf və ədalətli şəkildə keçirilir”.

Bunu Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu söyləyib.

O bildirib ki, imtahanlar kompüter əsaslıdır, eyni fənn üzrə eyni vaxtda aparılır və suallar standartdır. Vəfa Yaqublu sosial şəbəkələrdə metodika üzrə sualların çətin olduğu barədə səslənən fikirlərə də münasibət bildirib.

“Metodika üzrə suallar çətin deyil. Bizdə həm müəllimlərin, həm də müəllim namizədlərin metodiki bilikləri zəifdir”, ‒ o qeyd edib.

Direktor müavini müəllimlərə və namizədlərə çağırış edərək metodiki biliklərin həm nəzəri, həm də praktiki tərəfinə daha çox diqqət ayrılmasının vacibliyini vurğulayıb. Onun sözlərinə görə, bu istiqamətdə bilik və bacarıqların artırılması həm müəllimlərin peşəkarlığını yüksəldəcək, həm də təlim prosesini şagirdlər üçün maraqlı və səmərəli edəcək.