Nazirlər Kabinetinin qərarını heçə sayanlar | Vaxtı keçmiş avtomobillər necə taksi işləyir?

Son vaxtlar taksi sürücüləri ilə bağlı şikayətlərin sayı artıb. Narazılıqların çoxu taksi sürücülərinin davranışı və sifariş edilən taksi ilə ünvana gələn avtomobilin fərqli olmasındandır.

Baku TV-nin məsələ ilə bağlı həyata keçirdiyi eksperiment zamanı da sərnişinlərin şikayətinin düzgün olduğu təsdiqlənib.

Belə ki, sifariş zamanı sistemdə görünən taksinin yerinə başqa dövlət qeydiyyat nişanlı və xidmətə yararsız avtomobil gəlib. Sürücü isə “ikisi də Priusdur” deyərək özünə haqq qazandırıb.

Başqa bir taksi sürücüsü isə xidmətə yararsız avtomobilini taksi fəaliyyəti üçün necə qeydiyyatdan keçirməsi barədə danışıb.

O bildirib ki, bu işi “Fleet” adlanan şirkət vasitəsilə həyata keçirirlər: “Gündə 3 manat ödəyirəm, şikayət olsa da, bloklamır”.