Novxanıdakı məşhur malikanə satışa çıxarıldı

Bir neçə il əvvəl sosial şəbəkələrdə heykəllərlə bəzədilmiş fotoları yayılan məşhur villa yenidən satışa çıxarılıb.

Bu barədə elan satış saytlarının birində yerləşdirilib. Novxanıda yerləşən malikanə 6,5 milyon manata təklif olunur.

Qeyd edək ki, sözügedən malikanənin fotoları bir neçə il əvvəl sosial şəbəkə istifadəçilərində maraq doğurub. Onun sahibinin kimliyi isə hər kəsin marağına səbəb olub.

Baku TV-nin araşdırması nəticəsində villanın 60 yaşlı Bəxtiyar Dali kimi tanınan şəxsin olduğu müəyyənləşdirilib. O, Rusiya vətəndaşı olduğunu, uzun illər orada hərbi mühəndis işlədiyini və təqaüdə çıxdıqdan sonra Azərbaycanda ata yurdunda yaşadığı bu malikanəni inşa etdirdiyini bildirib.