Qorxduq ki, bizə problem olar... | Bu quş Astara sakinlərini qorxuya saldı

Astaranın Şiyəkəran kəndində “Himalay kərkəsi” həyətyanı sahəyə düşüb.

İki gün ağacda qalan quş sakinlərin köməyi ilə aşağı endirilib.

Kənd sakini bildirib ki, yaşadıqları ərazidə belə bir quşa ilk dəfədir rast gəlirlər:

“Bizə də təəccüblü gəldi. Qorxduq ki, nəsə problem olar. Ona görə quşu aşağı endirib aidiyyəti üzrə təhvil verdik”.

Bioloq Yunus Qulamov qeyd edib ki, sözügedən quş qarğalar cinsinə aiddir və bölgəmiz üçün xarakterik deyil:

“Əsasən heyvan qalıqları ilə qidalanırlar. Onlara yaxınlaşdıqda özlərini müdafiə etmək üçün insanlara zərər verə bilirlər. Qartallar kimi dimdikləri çox möhkəmdir”.

Qeyd edək ki, bala olan “Himalay kərkəsi”nin qanadları 2 metrə yaxındır. Quş təbiətə buraxılmaq üçün aidiyyəti üzrə təhvil verilib.