Toyuq və ətin qiymətində bahalaşma olarsa… | Satıcılar qiymət artımından danışdı

Qida Təhlükəsizliyi Agentliyi dönər emalı və dövriyyəsi barədə yeni sanitariya norma və qaydaları hazırlayıb.

Sənəddə dönərin hazırlanmasını həyata keçirən qida subyekt və obyektlərinə, eyni zamanda çiy dönərin emalına, təhlükəsizliyinə və minimum keyfiyyətinə dair tələblər əks olunub. Həmçinin çiy dönərin fiziki-kimyəvi göstəriciləri qeyd edilib.

Bəs yeni qaydalar dönərin qiymətinə təsir edə bilər?

Dönər satanlar aldıqları məhsulun bahalaşacağı təqdirdə dönərin qiymətinin artacağını deyirlər.

“Ətin qiyməti qalxsa, dönərin də qiymətinə təsir edəcək. Hamını fikirləşmək lazımdır. Mən dönəri 3-4 manata satsam, onu kim yeyəcək? Buradakı alıcılar fəhlə, usta və tələbələrdir. Tələbə 3 manata dönəri necə alsın?!”, – narazı dönər satanlardan biri bildirib.