"Şirniyyatlar bişirib, qonşulara və qohumlara paylayırıq" | Pasxa bayramından görüntülər - Baku TV

Xristian dünyasının ən müqəddəs bayramlarından biri olan Pasxa bayramı qeyd olunur.

Dini inanca görə, Pasxa İsa peyğəmbərin çarmıxa çəkilməsindən üç gün sonra dirildiyi gün kimi qəbul edilir. Bayram hər il fərqli tarixə təsadüf etsə də, ənənəvi olaraq həmişə bazar günü qeyd olunur.

Bu münasibətlə kilsələrdə xüsusi dini ayinlər keçirilir, insanlar bir araya gələrək dualar edir, bir-birinə xoş arzularını çatdırırlar. Pasxa təkcə dini bayram deyil, həm də mərhəmət, sevgi və birlik çağırışı kimi dəyərləndirilir.

Bayram münasibətilə danışan vətəndaşlardan biri bildirib:

“Hamıya xoşbəxtlik, cansağlığı arzulayıram. Dünyada sülh olsun, insanlar əziyyət çəkməsin”.

Bayram ənənələrindən danışan başqa bir sakin isə bunları deyib:

“Allah hamıya ruzi-bərəkət versin. Çox şükür, bu günə çatmışıq. Allah hamının balalarını saxlasın. Biz şirniyyatlar bişiririk, buraya gətiririk, sonra qonşulara paylayırıq. Sovet dövründə necə idisə, indi də elədir, qohumlar, qonşular bir-birinə qonaq gedirlər”.