"Susuzuq, yayda heç olmayacaq" | Su idarəsi sakinlərin suyunu başqalarına satır? - Baku TV

Abşeron rayonunun Hökməli qəsəbəsində sakinlər su idarəsinin onlara məxsus su xəttini digər şəxslərə satdığını iddia edirlər.

Vətəndaşlar Baku TV-nin qaynar xəttinə müraciət edərək bildiriblər ki, ərazidə mərkəzləşdirilmiş içməli su xətti olmadığı üçün 48 ailə birləşərək məhəlləyə öz vəsaitləri hesabına su xətti çəkdirib. Lakin sonradan həmin boru xəttinə başqa ailələr üçün də əlavə qoşulmalar edilib.

Sakinlərin sözlərinə görə, hazırda məhəlləyə su verilmir. Problemin uzun müddətdir həllini tapmaması onların narazılığa səbəb olub.

“Gedib şikayət edirik, deyirik ki, əlavə qoşulan xətləri sökəcəyik. Bizi həbs etdiriləcəyimizlə hədələyirlər”, – deyə şikayətçi Mərdan Vəliyev bildirib.