"Bilmirik, kimə müraciət edək" | Təhlükəli evdə yaşayanlar niyə köməksiz qalıb? - Baku TV

Bakının Binəqədi rayonunun Biləcəri qəsəbəsində yaşayan ailə evlərinin qəzalı vəziyyətə düşməsindən şikayətçidir.

Üçotaqlı həyət evində çatların yarandığını bildirən ev sahibi Nurlan Əliyevin sözlərinə görə, problem artıq bir il yarımdır ki, davam edir:

“Biz bu evə üç il əvvəl köçmüşük. Yağışlardan sonra evdə dərin çatlar əmələ gəldi. Ailəmin təhlükəsizliyi baxımından burada yaşamaq artıq imkansızdır. Özüm də şəhid övladıyam və İkinci Qarabağ müharibəsinin könüllü iştirakçısıyam. Məsələ ilə bağlı Fövqəladə Hallar Nazirliyinin (FHN) və Binəqədi Rayon İcra Hakimiyyətinin nümayəndələri gəlib evə baxış keçirib getdilər. Lakin nəticə yoxdur. Ümumilikdə 7–8 dövlət qurumuna müraciət etməyimizə baxmayaraq, problemimizlə maraqlanan yoxdur”.