Divarlar çatlayır, sakinlər təşviş içindədir | Hökməlidəki problem niyə həll edilmir? - Baku TV

Hökməli qəsəbəsi, Koroğlu küçəsi, “döngə 2” adlanan ərazidə kanalizasiya xəttinin tutulması sakinlərin narazılığına səbəb olub. Küçəyə və həyətlərə axan çirkab suları evlərin divarlarında dərin çatların yaranmasına səbəb olub.

Mövcud antisanitar vəziyyətdən narazı olan sakinlər problem barədə Baku TV-yə danışıblar.

Onlardan birinin sözlərinə görə, üç aya yaxındır davam edən vəziyyətlə bağlı aidiyyəti qurumlara dəfələrlə müraciət edilib:

"Müraciətlərdən sonra gəlib əraziyə baxıblar. Xətti açacaqlarını desələr də, həftələrdir heç bir tədbir görülmür. Ağzıaçıq qalan 4 metr dərinliyindəki kanalizasiya quyusu xüsusilə azyaşlı uşaqlar üçün təhlükə yaradır. Ərazidəki dözülməz qoxu və natəmizlik səbəbindən həyətə çıxa bilmirik".