"Toyumuz musiqisiz oldu, 10-cu sinifdə oxuyanda..." - Hamının danışdığı nənə-baba - Baku TV

Baku TV əslən Yardımlı rayonunun Zevin kəndindən olan Bayram Şıxəliyev və Maral Bağışova cütlüyünün evindən reportaj hazırlayıb.

Reportajda onlar sevgi hekayələrindən bəhs ediblər.

Bayram Şıxəliyev deyir ki, 44 ildir Maral xanımla evlidir. O, həyat yoldaşını dərs dediyi məktəbdə gördüyünü söyləyib.

“Mən əsgərlikdən gələndə Maral 10-cu sinifdə oxuyurdu. Onu sevdiyimi valideynlərimə dedim. Ailələrimiz bir-birlərini yaxşı tanıyırdı. Onlar da razılığa gəldi, evləndik. Biz dindar ailə olduğumuz üçün toyumuz musiqisiz oldu”, – deyə o əlavə edib.

Maral Bağışova isə yoldaşı ilə uzunömürlü evliliklərinin sirrini bölüşüb:

“Bir-birimizi hər zaman başa düşmüşük. Aramızda heç vaxt inciklik olmayıb. Biri od olanda, digəri su olmalıdır. Səbrli olmağı bacarmaq lazımdır”.