"Zərif qadın, qayğıkeş ana və mükəmməl ailə dəyərləri" mövzusunda tədbir keçirildi

Görkəmli oftalmoloq-alim, Əməkdar elm xadimi, akademik Zərifə xanım Əliyevanın doğum günü münasibətilə “Zərif qadın, qayğıkeş ana və mükəmməl ailə dəyərləri” mövzusunda tədbir keçirilib.

Qeyd olunub ki, zəngin mənəviyyata sahib əsl ziyalı kimi mənalı ömür yolu keçən Zərifə Əliyeva geniş elmi fəaliyyəti ilə ölkəmizdə tibb sahəsinin, xüsusilə oftalmologiyanın inkişafına əhəmiyyətli töhfələr verib.

Onun təşəbbüsü ilə Azərbaycanda oftalmologiya məktəbinin ilk tədqiqat mərkəzi olaraq ixtisaslaşdırılmış elmi-tədqiqat laboratoriyası yaradılıb.

Zərifə Əliyevanın müstəsna xidmətləri və geniş elmi fəaliyyəti sayəsində respublikamızda yüksəkixtisaslı gənc alimlərin və həkim-oftalmoloqların böyük bir nəsli yetişib.