Satışa saxta bal çıxarılır? | Arıların azalmasının əsas səbəbi açıqlandı

Zaman-zaman həqiqi bal adı altında saxta məhsulun satışa çıxarıldığı ilə bağlı iddialar yayılır.

Elə statistik rəqəmlərə də diqqət yetirdikdə arı ailələrinin azalması fonunda məhsulun artması bəzi sualların yaranmasına səbəbiyyət verir.

Dövlət Statistika Komitəsinin məlumatına görə, 2024-cü ildə Azərbaycanda bal istehsalının həcmi 2023-cü illə müqayisədə 13,5 % artaraq 5 166,3 ton olub. Müvafiq dövr ərzində arı ailələrinin sayında isə 3,1 faiz azalma müşahidə olunub.

“Şüalanmaya görə arı ailəsində azalma gedir. Bu il çox arı öldü, təsərrüfatın yarısı məhv oldu”, – arıçı söyləyib.

Bəs yaranan vəziyyət nə ilə əlaqədardır? Bazara hər hansı formada saxta məhsul ayaq aça bilib?

Məsələ ilə bağlı Kənd Təsərrüfatı Nazirliyindən Azərbaycan Arıçılar Assosiasiyasının buna cavabdeh olduğu deyilib.

Assosiasiyadan isə bildirilib ki, arı ailələrinin azalmasına baxmayaraq, məhsuldarlığın artması yeni texnologiyaların tətbiqi ilə bağlıdır.