Təsadüfən kəşf edilən yeni metod hər kəsi təəccübləndirdi | Hesablama zamanı bu baş verərsə...

Kvant kompüterlərində kubit rolunu oynayan atomlar sistemdən “sakitcə yox ola” bilər.

Atom itkisi adlanan bu fenomen məlumatlarda səhvlərə səbəb olur və hesablama nəticələrini etibarsız edir.

Nyu-Meksiko Universitetinin tədqiqatçıları neytral atomlara əsaslanan kvant kompüterlərinə bu cür səhvləri aşkar etmək üçün praktiki metod təklif ediblər.

Kvant kompüterləri mütləq sıfıra yaxın temperaturlarda saxlanılan atomların yüksək dəqiqliklə manipulyasiyasını tələb edir. Temperaturun bir qədər artması belə atomların “qaçmasına” səbəb ola bilər. Bu, hesablama zamanı baş verərsə, bütün nəticəni faydasız edər.

“Problemi həll etmədən texnologiyanın inkişafını davam etdirmək mümkün deyil”, – deyə əsərin müəlliflərindən biri olan doktor Yuan-Yu Jau bildirib.

Alimlər atomun kvant vəziyyətini məhv etmədən onun yoxluğunu aşkar etməyə imkan verən metod hazırlamağa nail olublar. Bunun üçün tədqiqatçılar atomu birbaşa müşahidə etmək əvəzinə “miqyasdan” istifadə ediblər. Bu texnika 93,4 % dəqiqliyə nail olub.

Maraqlıdır ki, üsul təsadüfən kəşf edilib. Komanda bu metodu müxtəlif kvant vəziyyətlərində sınaqdan keçirib. Alimlər ümid edirlər ki, yeni üsul atomların itkisini avtomatik düzəldən sistemlərin inkişafı üçün əsas olacaq.