Təyyarə qəzasında ölənlərin borcları ilə bağlı ABA və AMFA-dan məlumat

“Azərbaycan Hava Yolları” QSC-nin Bakı-Qroznı reysini yerinə yetirərkən Qazaxıstanın Aktau şəhərində qəzaya uğrayan “Embraer 190” tipli sərnişin təyyarəsində həyatını itirən vətəndaşların banklarda və bank olmayan kredit təşkilatlarındakı kredit öhdəlikləri tam məbləğdə müvafiq təşkilatların öz vəsaiti hesabına silinib.

Bu barədə “Banklar Assosiasiyası” və “Mikromaliyyə Assosiasiyası” İctimai Birliklərinin birgə yaydığı açıqlamada bildirilib.

“Bütün dövrlərin sınaqlarında xalqımızın və ölkə rəhbərliyinin yanında olmuş kredit təşkilatları adından, “Banklar Assosiyası” və “Mikromaliyyə Assosiasiyası” olaraq qəza nəticəsində həyatını itirən şəxslərin ailə üzvlərinə dərin hüznlə başsağlığı verir, yaralılara isə şəfa diləyirik”, – deyə məlumatda qeyd olunub.