Umayra Tağıyeva son 10 ildə baş verən iqlim dəyişikliklərindən danışdı

Ekologiya və təbii sərvətlər nazirinin müavini Umayra Tağıyeva Bakıda keçirilən III Azərbaycan Milli Şəhərsalma Forumunda (NUFA3) son 10 ildə Azərbaycanda baş verən iqlim dəyişiklikləri ilə bağlı həyəcan təbili çalıb. Nazir müavini bildirib ki, bu müddət ərzində ölkədə iqlim risklərinin miqyası kəskin şəkildə artıb. O, konkret statistik rəqəmlər səsləndirərək daşqın hadisələrinin sayının 80 dəfədən çox, quraqlıqların davametmə müddətinin 18%, 30 dərəcədən yüksək temperatur qeydə alınan günlərin sayının 6 dəfə, meşə yanğınlarının 5 dəfə, güclü küləklərin 12 dəfə və intensiv yağıntıların 6 dəfə çoxaldığını vurğulayıb. Bu təbii fəlakətlər ölkənin ekosistemi və şəhərsalma planları üçün ciddi çağırışlar yaradır.