ABŞ lideri Bondinin fəaliyyəti ilə bağlı narazılığını ifadə edib

ABŞ Prezidenti Donald Tramp ölkənin ədliyyə naziri, baş prokuroru vəzifəsində çalışan Pem Bondinin işdən çıxarılması məsələsini nəzərdən keçirir.

"The New York Times" bildirir ki, Amerika xəbər verir ki, ABŞ lideri son günlər Bondinin fəaliyyəti ilə bağlı narazılığını ifadə edib.

Məlumata görə, Tramp onu hazırda ABŞ Ətraf Mühitin Mühafizəsi Agentliyinə rəhbərlik edən Li Zeldinlə əvəz etməyi təklif edib.

Qeyd olunur ki, Prezidentin narazılığına səbəb Ədliyyə Nazirliyinin maliyyəçi Ceffri Epşteyn işi ilə bağlı sənədlərin açıqlanması prosesinə yanaşmasıdır. Bildirilib ki, Bondinin vəzifədən azad olunması ilə bağlı hələ yekun qərar qəbul edilməyib.

Məlumata görə, 2026-cı il yanvarın 30-da ABŞ Ədliyyə Nazirliyi Epşteyn işi üzrə 3 milyondan çox səhifə sənəd, 2 mindən artıq video və 180 min fotoşəkli ictimaiyyətə təqdim edib.