Türk Korpusu üçün regional qərargahın yaradılması nəzərdə tutulur | Zəki Aktürk

NATO-nun planlarına uyğun olaraq Türkiyədə zərurət yarandıqda yerləşdiriləcək qoşunları əlaqələndirmək və idarə etmək üçün regional korpus komandanlığı yaradılır.

Bu barədə Türkiyə Milli Müdafiə Nazirliyinin rəsmi nümayəndəsi Zəki Aktürk jurnalistlər üçün keçirilən brifinqdə məlumat verib.

“NATO planlarında ölkəmizin müdafiəsini NATO qüvvələri ilə əlaqələndirəcək və zərurət yarandıqda yerləşdiriləcək qüvvələr üzərində komandanlıq və nəzarəti həyata keçirəcək Türk Korpusu üçün regional qərargahın yaradılması nəzərdə tutulur. Hakimiyyət orqanları bu qərargahı çoxmillətli quruma çevirməyi məqsədəuyğun hesab edir. Qərargahın yaradılması üzərində işlər davam edir, əsas heyət təyin olunub və çoxmillətli qərargahın statusu hələ təsdiqlənməyib”, – o bildirib.