ABŞ yenidən İrana zərbələr endirəcək?

"ABŞ İrana qarşı zərbələrin bərpasını istisna etmir, lakin iqtisadi təzyiqi Tehrana təsir edən ən effektiv vasitə hesab edir".

Bunu ABŞ-nin müharibə naziri Pit Heqset deyib.

Viskonsin ştatının Oşkoş şəhərində jurnalistlər qarşısında çıxış edən Heqset ABŞ-nin İrana hücumlarının fasilədə olmadığını söyləyib.

"Zərbələrə ehtiyacımız olsa, onları endirəcəyik. Əgər İran o dərəcədə səhv edib, öz imkanlarını yenidən qiymətləndirsə və ya ABŞ Silahlı Qüvvələri ilə toqquşsa, biz lazım olanı edəcəyik", – deyə nazir bildirib.

Onun sözlərinə görə, hazırda İrana ən çox ziyan vuran iqtisadi təzyiqdir. Heqset qeyd edib ki, ABŞ Hörmüz boğazında və İran ətrafında hədəflərə zərbə vurmaq imkanından imtina etmir.