Avropa Kosmik Agentliyindən yeni tədqiqat

Avropa Kosmik Agentliyinin (ESA) yeni tədqiqat hesabatı Yer kürəsi ilə bağlı narahatedici məlumatları ortaya çıxarıb. Hesabata görə, Yerdə aşağı maqnit sahəsinin güclü zonası olan Cənubi Atlantika Anomaliyasının ölçüsü son illərdə əhəmiyyətli dərəcədə artıb. 2014-cü ildən bu yana anomaliyanın sahəsi təxminən Avropa qitəsinin yarısına bərabər əraziyə qədər genişlənib. ESA mütəxəssisləri bu qeyri-bərabər genişlənmənin Afrikaya doğru istiqamətləndiyini qeyd edirlər. Bu anomaliya peyk rabitəsi və enerji şəbəkələrinin operatorlarını narahat edir, çünki bu zonada peyklər daha güclü radiasiyaya məruz qalır ki, bu da texniki nasazlıqlar və avadanlıqların sıradan çıxması riskini artırır.