Babacanyan Ceyms Devid Vensin Ermənistana gözlənilən səfərindən danışdı

“ABŞ-nin vitse-prezidenti Ceyms Devid Vensin fevralın 9-na Ermənistana gözlənilən səfərinin mərkəzində TRIPP (və ya Zəngəzur dəhlizi) layihəsinin işə salınması dayanır”.

Bunu Ermənistanın “Respublika Naminə” partiyasının sədri Arman Babacanyan deyib.

“Söhbət TRIPP-in başlanması üçün konkret addımlardan – layihənin icrasına cavabdeh şirkətin yaradılması, idarəetmə və nəzarət qaydalarının müəyyənləşdirilməsi, maliyyələşmə mənbələri və şərtlərinin dəqiqləşdirilməsi, təhlükəsizlik risklərinin qiymətləndirilməsi və tikintinin mərhələli şəkildə başlanmasına tam hazırlıqdan gedir”, – o bildirib.

Babacanyan qeyd edib ki, səfərin digər istiqamətləri ABŞ və Ermənistan arasında dinc nüvə əməkdaşlığı və yüksək texnologiyalardır:

“Vensin səfəri ABŞ-Ermənistan münasibətlərinin praktiki və institutsional mərhələyə keçid nöqtəsi olmalıdır”.