BMT İrandakı hadisələrə reaksiya verdi | ”İnsan itkiləri olması narahatlıq doğurur” - Baku TV

“BMT İranda baş verən hadisələri yaxından izlədiyini və etirazlar fonunda ölənlərin olması ilə bağlı dərin narahatlıq keçirdiyini bəyan edib”.

Bunu BMT Baş katibinin nümayəndəsi Stefan Düjarrik jurnalistlərə açıqlamasında deyib.

O bildirib ki, təşkilat İrandakı vəziyyəti diqqətlə izləyir və baş verənlər səbəbindən insan itkilərinin olması ciddi narahatlıq doğurur.

BMT rəsmisi vurğulayıb ki, dünyanın istənilən yerində insanlar dinc şəkildə etiraz etmək hüququna malikdir və hökumətlərin vəzifəsi bu hüququ qorumaqdır.

O, BMT-nin İrandakı personalının vəziyyəti ilə bağlı da məlumat verib. Düjarrikin sözlərinə görə, hazırda BMT əməkdaşlarının hamısı təhlükəsizlikdədir.

Bununla belə, ölkədə internet və rabitə xidmətlərində fasilələrin olduğu, bu səbəbdən əlaqənin çətinləşdiyi qeyd olunub.