Hakan Fidandan İranla bağlı açıqlama | ”Bu, bizim bölgəyə ən güclü mesajımızdır” - Baku TV

“İranın region ölkələri ilə normal münasibətlər qurması yaxşı olardı”.

Bunu Türkiyənin xarici işlər naziri Hakan Fidan deyib.

Hakan Fidan ABŞ ilə İran arasında nüvə danışıqları və Tehrana qarşı tətbiq olunan sanksiyalardan danışıb.

O bildirib ki, İranla hər iki tərəfə sərf edən sazişin olması vəziyyətin normallaşmasına təkan verə bilər.

“İranın qəbul etməyəcəyi şərtlər irəli sürülür. Burada həqiqi uzlaşma niyyəti ortaya qoymaq lazımdır. Vacib bir xüsus da odur ki, İranın region ölkələri ilə həqiqi əməkdaşlıq içərisində olması lazımdır. Keçmişdə olanları bir kənara qoymaq lazımdır. Bu bizim bölgəyə ən güclü mesajımızdır. İran həqiqətləri anlamalıdır”, – deyə Hakan Fidan əlavə edib.

İrandakı etirazlara da toxunan H.Fidan qeyd edib ki, nümayişçilərlə ortaq məxrəcə gəlmək lazımdır.