"Hizbullah"a məxsus obyektlərə aviazərbələr endirilib

İsrail Livanın cənubunda “Hizbullah” hərəkatına məxsus altı silahlı şəxsin zərərsizləşdirildiyini bəyan edib.

Bu barədə İsrail Ordusunun mətbuat xidməti məlumat yayıb.

Bildirilib ki, Bin Cubeyl şəhərində hərbçilər tərəfindən aşkar edilən silahlılarla atışma baş verib və ilkin mərhələdə iki nəfər məhv edilib. Daha sonra onların gizləndiyi binaya hava zərbəsi endirilib və nəticədə daha dörd nəfər öldürülüb.

İsrail tərəfi əməliyyat zamanı öz hərbçiləri arasında itki və ya xəsarət qeydə alınmadığını bildirib.

İsrail Ordusu həmçinin Livanın Deyr-Ayms şəhərində “Hizbullah”a məxsus binaya zərbələr endirib.

Bu barədə “The Times of Israel” məlumat yayıb.

Aviazərbədən əvvəl İsrail Ordusu Deyr-Ayms sakinlərini təxliyə barədə xəbərdar edib.