İran görünməmiş qisas zərbəsinə hazırlaşır? - Tramp kritik əmri verdi | Atəşkəs pozulur? - Baku TV

ABŞ-nin Hörmüz boğazını blokadaya alması mövcud atəşkəs rejiminin pozulmasına səbəb ola bilər.

Bu barədə İran Xarici İşlər Nazirliyinin sözçüsü İsmayıl Bəqai açıqlamasında bildirib.

Onun sözlərinə görə, Vaşinqtonun tətbiq etdiyi məhdudiyyətlər beynəlxalq hüququn pozulması kimi qiymətləndirilir.

Diplomat qeyd edib ki, gərginliyin daha da artacağı təqdirdə İran Silahlı Qüvvələri zəruri cavab addımları atmağa hazırdır: “Hörmüz boğazının blokadası təxribat xarakterli addımdır və bu, atəşkəs rejiminin pozulması ilə nəticələnə bilər”.

Məlumata görə, daha əvvəl Ağ Evin mətbuat katibi Kerolayn Levitt ABŞ-nin hələlik İrana atəşkəsin uzadılması ilə bağlı təklif irəli sürmədiyini açıqlayıb.

Qeyd edək ki, münaqişənin əvvəlindən Hörmüz boğazı İran tərəfindən bağlanmışdı. Aprelin 13-də isə ABŞ Prezidenti Donald Trampın göstərişi ilə ABŞ Silahlı Qüvvələrinin Mərkəzi Komandanlığı (CENTCOM) İran limanlarına daxil olan və çıxan bütün gəmilərin blokadasına başlayıb.