İranı parçalamaq istəyənlərin planı ifşa edildi? | Qalibaf təcili çağırış etdi - Baku TV

"ABŞ və İsrailin İrana qarşı dəniz blokadası, media təbliğatı, iqtisadi təzyiq və daxili münaqişə yaratmaq cəhdlərində məqsədləri ölkəmizi daxildən çökdürməkdir".

Bu barədə İran Parlamentinin spikeri Məhəmməd Baqir Qalibaf bildirib.

"Düşmən yeni bir mərhələyə qədəm qoyub. Dəniz blokadası və media təbliğatı. Onlar ictimai rəyi manipulyasiya etməklə, iqtisadi təzyiq göstərməklə və ölkə daxilində bölünmələr yaratmaqla bizi daxildən zəiflətməyi və hətta çökdürməyi hədəfləyirlər", – deyə o bildirib.

Qalibaf Prezident Donald Trampın ölkəni "sərt xətt tərəfdarları və mülayimlər"ə bölməklə, daha sonra isə dəniz blokadası, iqtisadi təzyiq və daxili bölünmələr yolu ilə çökdürməyə çalışdığını qeyd edib:

"Bizim üçün yeni sui-qəsdlərə qarşı yeganə həll yolu birlikdir. Bu, həmrəyliyi qorumaqdır. Sosial birlik əvvəldən bütün düşmən planları pozub. Bölünmə yaradan hər hansı bir hərəkət düşmənin planının bir hissəsi olacaq".