Kiyev Moskvaya təklif göndərib

Ukrayna Rusiyaya enerji atəşkəsi barədə təklif göndərib.

Bu barədə Ukrayna Prezidenti Volodimir Zelenski videomüraciətində bildirib.

"Əgər Rusiya Ukraynanın energetikasına zərbələri dayandırarsa, biz də eyni şəkildə cavab verəcəyik. Amerikalılar vasitəsilə Rusiyaya belə bir təklif göndərmişik", – deyə Ukrayna lideri qeyd edib.

Bununla yanaşı, Zelenski xatırladıb ki, Kiyev dəfələrlə Moskvaya Pasxa bayramlarında atəşkəs təklif edib, lakin Rusiya rəhbərliyindən imtina cavabı alıb.

Ukrayna lideri əlavə edib ki, Rusiyaya qarşı tətbiq edilən sanksiyalar effektivdir və xüsusilə neft gəlirlərini azaldır. O vurğulayıb ki, yalnız ciddi maliyyə itkiləri Moskvanı müharibədən çıxış yolları barədə düşünməyə vadar edə bilər.