Kiyevin əsas məqsədi nədir? | Zelenski narahatlığını dilə gətirdi - Baku TV

Ukrayna dronları Nijni Novqorod vilayətində "Lukoil" neft emalı zavoduna zərbə endirib. Nəticədə müəssisə ərazisində güclü yanğın başlayıb.

Şahidlər bir neçə partlayışın baş verdiyini və sənaye zonası üzərində qalın tüstünün qalxdığını bildirirlər.

Ukrayna Prezidenti Volodimir Zelenski ABŞ və İsrailin İrana qarşı uzanan müharibəsinin Vaşinqton tərəfindən Kiyevə dəstəyin zəifləməsinə səbəb ola biləcəyindən narahatlığını ifadə edib. O bu barədə "The Associated Press" agentliyinə açıqlamasında bildirib.

Ukrayna liderinin sözlərinə görə, Yaxın Şərqdə gərginliyin artması yalnız Rusiyanın xeyrinə işləyir. Hərbi resursların tükənməsinin Ukrayna şəhərlərini ballistik zərbələrə qarşı daha həssas etdiyi bir vaxtda neftin qiymətlərinin kəskin artması iqtisadi cəhətdən Rusiya üçün sərfəlidir. Kiyevin əsas məqsədi Moskvanın iqtisadiyyatını zəiflətmək və müharibəni yolverilməz dərəcədə bahalı fəaliyyətə çevirməkdir.

Zelenski həmçinin bildirib ki, Rusiya qoşunları Ukrayna şəhərlərini və cəbhə xəttinin arxasındakı rayonları, xüsusən də Ukraynanın enerji infrastrukturunu intensiv şəkildə atəşə tutmağa davam edir.