“Orbiter” tipli zərbə PUA-sı vurulub

"ABŞ İranın infrastrukturuna hücum edərsə, Tehran eyni şəkildə cavab verəcək".

Bu barədə ölkənin xarici işlər nazirliyinin sözçüsü İsmayıl Bəqai bildirib.

Onun sözlərinə görə, İran Silahlı Qüvvələri ölkədəki obyektlərə zərbələr endiriləcəyi halda cavab tədbirlərinin ABŞ ilə əlaqəli obyektlərə qarşı olacağı barədə xəbərdarlıq edib.

Bəqai qeyd edib ki, İrana qarşı fəaliyyətlərə hər hansı formada cəlb olunmuş istənilən ABŞ obyekti hədəfə çevrilə bilər.

Qeyd edək ki, İran tərəfi Yaxın Şərqdə münaqişə başlayandan bəri onlarla pilotsuz uçuş aparatını məhv etdiyini açıqlayıb. Məlumata görə, son olaraq Təbriz səmasında ABŞ və İsrail qüvvələrinə məxsus "Orbiter" tipli zərbə PUA-sı vurulub. Bununla da qarşı tərəfin vurulan dronlarının ümumi sayı 168-ə çatıb.