"Cavab olaraq regionda ABŞ-yə məxsus obyektlərə zərbələr endirəcəyik" | İsmayıl Bəqayi - Baku TV

Tehran ABŞ-nin Fars körfəzi bölgəsində yerləşən infrastruktur obyektlərinə zərbə endirə biləcəyi ilə bağlı xəbərdarlıq edib.

Bu barədə İran Xarici İşlər Nazirliyinin rəsmi nümayəndəsi İsmayıl Bəqai açıqlama verib.

Onun sözlərinə görə, söhbət İran ərazisində bombalanan obyektlərə uyğun ABŞ infrastrukturundan gedir.

"İnfrastrukturumuza edilən hücumlara cavab olaraq, regionda ABŞ-yə məxsus və ya onunla əlaqəli analoji obyektlərə zərbələr endirəcəyik", – deyə Bəqai bildirib.

Məlumatda qeyd olunur ki, bu obyektlər əsasən Fars körfəzi bölgəsində yerləşir.

Bu arada, ABŞ Prezidenti Donald Tramp İranla mümkün razılaşmanın bağlanması müddətini bir sutka uzadıb. Bu barədə "Axios" portalının jurnalisti Barak Ravid "X" sosial hesabında yazıb.

"Donald Tramp İran üçün son müddəti daha bir sutka uzadıb", – deyə jurnalist qeyd edib.

Tramp aprelin 5-də "Fox News" telekanalına müsahibəsində aprelin 6-da sövdələşmə bağlamaq üçün yaxşı şans olduğunu bildirib.

"Əgər onlar sazişi bağlamasalar – özü də tez bir zamanda – mən hər şeyi partlatmaq və nefti nəzarətə götürmək imkanını nəzərdən keçirirəm. Düşünürəm ki, aprelin 6-sı üçün yaxşı şans var, danışıqlar elə hazırda da gedir", – deyə Tramp vurğulayıb.