İran XİN Tehranın tələblərini yenidən dilə gətirib

İran Yaxın Şərqdə atəşkəs və müharibənin başa çatdırılması üzrə ölkənin milli maraqlarına uyğun planını təqdim edib.

İran XİN-in sözçüsü İsmail Bəqai bildirib ki, danışıqlar ultimatum və təhdidlərlə bir araya sığmır.

“Öz maraqlarımıza və mülahizələrimizə əsaslanaraq, indiyədək irəli sürdüyümüz və hazırda da qüvvədə olan bütün tələblərimizi ardıcıl şəkildə bəyan etmişik. Baxın, biz qanuni və məntiqli tələblərimizi səsləndirməkdən çəkinmirik. Təklifə cavab olaraq İran İslam Respublikasının öz mövqeyini açıq və cəsarətlə ortaya qoyması heç bir halda düşmən qarşısında geriçəkilmə kimi yozulmamalıdır.

Danışıqlar heç bir halda ultimatum, cinayət və ya hərbi cinayət törətmə hədəsi mənasına gəlmir. İran İslam Respublikası və İran xalqının Amerika ilə danışıqlar məsələsində çox acı təcrübəsi var və biz bu təcrübələri elə-belə əldə etməmişik ki, onları görməməzliyə vuraq”, – deyə o qeyd edib.