Livanda vəziyyət kritik həddə doğru irəliləyir | Ölənlərin sayı 3400 nəfəri keçdi - Baku TV

Livanın “Hizbullah” qruplaşması İsrailin şimalındakı yaşayış məntəqələrinə raket zərbələri endirib.

Bu barədə “Əl-Cəzirə” məlumat yayıb.

Məlumata görə, mayın 31-də günün ikinci yarısında Qərbi Qalileya istiqamətində 20-dən çox raket buraxılıb, burada hava həyəcanı aktivləşdirilib. “Hizbullah”ın rəsmi bəyanatında hücumların hədəflərinin Hayfanın şimal hissəsindəki və Livan sərhədindən 7 kilometr məsafədə yerləşən Nahariya şəhərindəki İsrail Ordusunun bazaları olduğu qeyd edilib.

Bu arada, son sutkada İsrailin Livanın cənub və şərq ərazilərinə endirdiyi hava zərbələri nəticəsində azı 41 nəfər həlak olub. Bu barədə Livanın Səhiyyə Nazirliyi “X” sosial şəbəkəsində məlumat yayıb.

Məlumata görə, 140 nəfər xəsarət alıb. 2026-cı il martın 2-də hərbi gərginliyin başlanmasından bəri həyatını itirənlərin ümumi sayı 3412 nəfərə çatıb, yaralıların sayı isə 10 269 nəfərə yüksəlib.