Livanın suverenliyinə müdaxiləyə icazə verilməyəcək

"Hizbullah" ABŞ və İran arasında anlaşma memorandumunu dəstəklədiyini bildirərək, bunun Livan da daxil olmaqla bütün cəbhələrdə hərtərəfli atəşkəsə səbəb olduğunu qeyd edib.

Qruplaşma həmçinin İsraili xəbərdar edib ki, Livanın suverenliyini pozan və ya onun əhalisinə qarşı yönələn hər hansı hərəkətə yol verməyəcək.

Vurğulanıb ki, Livanın razılaşmaya daxil edilməsi İranın hərbi əməliyyatların dayandırılmasına sadiqliyini əks etdirir.

İran Xarici İşlər Nazirliyinin sözçüsü İsmayıl Bəqai də ABŞ ilə əldə olunan razılaşmaya münasibət bildirib. O deyib ki, Livanda müharibənin başa çatdırılması İran və ABŞ arasında savaşın dayandırılması ilə bağlı razılaşmanın ayrılmaz hissəsidir və İran bu məsələdə ciddi olduğunu əməli fəaliyyəti ilə sübut edib.

Bəqainin sözlərinə görə, Cenevrədə keçiriləcək görüşdən əvvəl region ölkələrinə səfərlər həyata keçiriləcək və bu məsələ gündəlikdə yer alır.