"Paşinyan arvadına xəyanət edirmi?" məqaləsi qalmaqal yaratdı 

İrəvan şəhər Ümumi Yurisdiksiya Məhkəməsi Baş nazir Nikol Paşinyanın müxalif "Hraparak" media orqanına qarşı iddiasını qismən təmin edib.

Erməni mediası xəbər verir ki, məhkəmə böhtan xarakterli məlumatların təkzib edilməsi haqda qərar çıxarıb, amma Paşinyanın 1 milyon dram təzminat tələbi rədd edilib.

Məlumatda deyilir ki, söhbət ötən ilin iyununda "Paşinyan arvadına xəyanət edirmi?" başlıqlı məqalədən gedir.

Məhkəmənin məlumatına görə, media qurumu iddialar irəli sürüb. Nəşr yazıb ki, bir neçə il əvvəl Paşinyanın öz sözçüsü ilə saatlarla ofisində qaldığı və içəridən qəribə səslərin gəldiyi barədə şayiələr yayılıb.

Məhkəmənin qərarına görə, media orqanı məlumatı dərc etməklə yanaşı, bu iddiaların hansı faktlara əsaslandığını göstərməyib.

Nikol Paşinyanın mətbuat katibi Nazeli Baqdasaryandır. 

Paşinyan vətəndaş nikahında olduğu Anna Akopyanla ayrılıb. Onların bu evlilikdən 4 uşağı var.