Putin Yaxın Şərqdəki xaosdan necə istifadə edir? - Rusiya-Ukrayna müharibəsində şiddətli döyüşlər

Dünyanın diqqəti İsrail-İran gərginliyinə yönəlib. Amma Rusiya-Ukrayna savaşı da bitməyib.

İyunun 16-da qarşılıqlı hücumlar qeydə alınıb. Rusiyanın hücumu nəticəsində Kiyevdə yaralananlar var.

Ukraynanın digər ərazilərinə də “Shahed” dronları ilə hücumlar təşkil edilib. Donetsk uğrunda şiddətli döyüşlər gedib. Rusiya ordusu isə Orlovda 11 və Voronejdə Ukraynaya aid 1 PUA-nı zərərsizləşdirib.

TASS-da yayılan digər məlumatda ukraynalı aktyorun öldürüldüyü də qeyd olunub. Belə ki, Yuri Filipenko könüllü surətdə Rusiyaya qarşı döyüşlərə qoşulmuşdu.

Bununla yanaşı, ABŞ-nin Müharibənin Öyrənilməsi İnstitutunun icmalında bildirilib ki, Rusiya Prezidenti Vladimir Putin İsrail və İran arasında vasitəçilik təklifi ilə diqqəti Ukraynadakı müharibədən yayındırmaq istəyir.