Rusiya-Ukrayna müharibəsində kritik an | Putin və Zelenskidən təcili tapşırıq - Baku TV

Rusiya lideri Vladimir Putin Pasxa bayramı ilə əlaqədar olaraq 11 aprel saat 16:00-dan 12 aprel 2026-cı il tarixinin sonuna qədər hərbi atəşkəs elan edib.

Rusiya müdafiə naziri və Silahlı Qüvvələrin Baş Qərargah rəisinə bu müddət ərzində bütün istiqamətlərdə hərbi əməliyyatları dayandırmaq tapşırılıb.

Kremlin yaydığı məlumata görə, Rusiya qoşunlarına Ukraynanın mümkün təxribatlarına, eləcə də istənilən təcavüzkar hərəkətlərə qarşı durmağa hazır olmaq əmri verilib.

“Moskva ümid edir ki, rəsmi Kiyev Pasxa atəşkəsi ilə bağlı Rusiyadan nümunə götürəcək”, – deyə məlumatda qeyd olunub.

Ukrayna Prezidenti Volodimir Zelenski də Pasxa bayramı ərəfəsində cəbhədə atəşkəs elan edib. O bunu aprelin 9-da axşam müraciətində deyib.

“Ukrayna dəfələrlə humanitar addımlara hazır olduğunu bildirib. Bu il Pasxa bayramı üçün atəşkəs təklif etdik və buna uyğun hərəkət edəcəyik. İnsanlara təhdidsiz Pasxa və sülhə doğru real hərəkat lazımdır”, – deyə Zelenski əlavə edib.