Xameneinin atasının dövründəki idarəetməni icra edə bilməmə səbəbi nədir? - Baku TV

İranın Ali Rəhbəri ayağından üç cərrahi, eləcə də əlindən əməliyyat olunub.

Bu barədə “The New York Times“ qəzeti mənbələrinə istinadən məlumat yayıb.

Yazıda Müctəba Xameneinin ağır üz və dodaq yanığı səbəbindən danışmaqda çətinlik çəkdiyi, onunla bağlı gələcəkdə plastik cərrahiyyə əməliyyatı planlaşdırıldığı bildirilir.

Nəşrin iddiasına görə, hazırda İranın yeni Ali Rəhbəri bu vəziyyətdə atasının dövründə olduğu kimi eyni mərkəzləşdirilən idarəetməni icra edə bilmir və onun səlahiyyətlərinin bir hissəsi SEPAH-ın yüksəkrütbəli komandirlərinə keçib.

Bu arada, ABŞ Prezidenti Donald Tramp İranda hələ də ölkənin rəhbərliyini müəyyənləşdirə bilmədiklərini bəyan edib. O bunu "Truth Social"da yazıb.

"İran üçün indi liderinin kim olduğunu müəyyən etmək çox çətindir! Onlar sadəcə bilmirlər!", – deyə Ağ Ev rəhbəri qeyd edib.

Trampın sözlərinə görə, İranda müxtəlif siyasi qüvvələr arasında daxili mübarizə davam edir.