Evakuatorla narkotik daşımağa cəhd edən şəxslər ifşa edilib

Daxili İşlər Nazirliyinin (DİN) əməkdaşları Masallı rayonu ərazisində xüsusi əməliyyat tədbirləri keçirərək, qaçaqmalçılıq yolu ilə ölkəyə gətirilmiş külli miqdarda narkotik vasitəni Bakıya çatdırmaq istəyən şəxsləri ifşa edib. 27 yaşlı Elsun Əzizli və 29 yaşlı Qadir Xandadaşlı diqqət çəkməmək üçün qeyri-adi bir üsula əl atıblar: əvvəlcədən gizlədilmiş yerdən götürdükləri 16 kiloqram marixuananı Qadir Xandadaşlıya məxsus avtomobilə yerləşdirdikdən sonra, nəqliyyat vasitəsinin guya xarab olması görüntüsünü yaradaraq evakuator xidmətinə müraciət ediblər. Lakin Masallı Rayon Polis Şöbəsinin əməkdaşları onların cinayət niyyətini aşkar edərək hər iki şəxsi saxlayıblar. Faktla bağlı cinayət işi başlanılıb və təqsirləndirilən şəxslər barəsində həbs qətimkan tədbiri seçilib.