Masallıda narkotikləri evakuatorla daşımağa çalışan şəxslər saxlanıldı

Daxili İşlər Nazirliyinin (DİN) Masallı Rayon Polis Şöbəsinin keçirdiyi əməliyyat tədbirləri nəticəsində ölkə ərazisinə qaçaqmalçılıq yolu ilə gətirilən külli miqdarda narkotik vasitəni Bakıya çatdırıb satmağa cəhd edən iki nəfər — 29 yaşlı Qadir Xandadaşlı və 27 yaşlı Elsun Əzizli Masallı rayonu ərazisində saxlanılıb.

Narkokuryerlər diqqət çəkməmək məqsədilə qeyri-adi bir üsuldan istifadə ediblər: onlar yük yerində 16 kiloqram marixuana gizlədilmiş avtomobildə guya nasazlıq baş verdiyi görüntüsünü yaradıb, nəqliyyat vasitəsini evakuatorla daşımağa cəhd ediblər. Lakin bu hiylə polis tərəfindən ifşa edilib.

Faktla bağlı cinayət işi başlanılıb və hər iki şəxs barəsində məhkəmənin qərarı ilə həbs qətimkan tədbiri seçilib.