Həmyerlilərimizin Rusiyada saxlanılma səbəbi | Dəhşətli hadisənin təfərrüatı

Rusiyada Azərbaycan vətəndaşlarından ibarət altı nəfərlik cinayətkar qruplaşma saxlanılıb.

Bu barədə yerli xəbər agentlikləri Rusiya hüquq-mühafizə orqanlarına istinadən xəbər yayıb.

Qurumdan bildirilib ki, qruplaşma üzvləri uzun müddət markalanmamış tütün və spirtli içkilərin satışı ilə məşğul olub.

“Onlar saxta məhsulların satışını Tver şəhərində və vilayətin bir neçə rayonunda icra edirdilər”, – deyə qurumun məlumatında bildirilib.

Hüquq-mühafizə orqanlarının əməkdaşları məhsulların saxlanıldığı anbara baxış keçirdikdən sonra oradan 100 milyon rubl, təqribən 1,7 milyon manat dəyərində məhsul müsadirə edib. Saxta məhsulların satışı ilə bağlı cinayət işi açılıb.