Kəlbəcərin Sarıyel kəndində mina partladı | Mal-qara otaran şəxs xəsarət aldı - Baku TV

Kəlbəcər rayonunda mina partlayışı baş verib.

Bu barədə Daxili İşlər Nazirliyi, Baş Prokurorluq və Minatəmizləmə Agentliyi birgə məlumat yayıb.

Bildirilib ki, hadisə işğaldan azad edilmiş Kəlbəcər rayonunun Sarıyel kəndi ərazisində qeydə alınıb.

Belə ki, Tərtər rayonunun Qaynaq kənd sakini, 1953-cü il təvəllüdlü Kamran Süleymanov minalardan təmizlənməmiş ərazidə mal-qara otararkən partlayış baş verib və o xəsarət alıb.

Faktla bağlı Kəlbəcər rayon prokurorluğunda araşdırma aparılır.

ANAMA, Daxili İşlər Nazirliyi və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, şübhəli əşyalara toxunmamağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırır.